Palangka Raya, (METROKalteng.com) – Hadat belum je mangguna lem fox tuntang Obat-obat je marusak daftar G je rancak inyundau awi Raimas Backbone Ditsamapta Polda Kalteng metuh patroli intu kumpulan anak tabela melai Palangka Raya mandinu perhatian bara Duta Humas Polda Kalteng.
Taluh Gawi Je Tau Marusak Karigas Kaabas Biti Bereng Tuntang Karendeng Uka Tau Tende Mangua, Ingganti Dengan Taluh Gawi Je Baguna.
Duta Humas Polda Kalteng, Lusia Dwi Meilisari, manyampai akan itah uras, eweh bewei uka tau mangejau hal-hal je tau marusak biti bereng itah. Mangguna obat-obat je marusak tuntang lem fox je rancak inyupa melai eka kejadian je tau mawi uluh nihau kasadaran akan arep kabuat, kaluarga sampai uluh je inyayang itah.
“Mangguna obat-obat je dia seharusnya ah te tau marusak akal pikiran tuntang karigas kaabas biti bereng. Awi te capat tende amun jadi talanjur mangguna.” Kuan Lusia, Sabtu (27/03/2021).
Iye manyampai auh kea, kawan bujang tabela Kota Palangka Raya uka tau ancap mangambuah arep. Jatun tege kutak liwat akan ngambuah hadat je bahalap. Are cara je tau inggawi akan maubah kebiasaan je dia bahalap, ie te tau manukep arep umba Tuhan, olahraga sampai manampara gawi je bahalap.
“Akan je jadi mahalau uka tau akan jadi palajaran tuntang bahata manaharep andau harian. Tarus samangat manampa perubahan melai pambelum itah. Ela dia bingat tarus malalus protokol Kesehatan hong wayah pandemic covid 19 je metuh tuh masih berlangsung karas tu Kalimantan Tengah.” Kuan Lusia.(Margareth)